香港新浪網 MySinaBlog




何家私房菜 (何太) | 23/02/06, 22:12 PM | 多款菜色 | (10357 Reads)

好返啦, 好返啦! 一好返就食返夠先!  金菇粉絲配肥牛真係一流!  多謝哂咁多位近日既關心呀!


何家私房菜 (何太) | 21/02/06, 22:31 PM | 生活點滴 | (1703 Reads)

今日老爺去左釣魚呀! 收獲好豐富呀! 每條魚都係老爺好辛苦釣返黎架, 而一個本來唔食魚既我, 都愛上了鮮魚! 你地睇下.......

 


何家私房菜 (何太) | 19/02/06, 23:13 PM | 多款菜色 | (5088 Reads)

奶奶整架! 我係肥媽既節目睇完後好想食, 於是我輕輕口述比奶奶知點整, 佢就可以整到啦 - 高人即係高人 - 勁!

食譜 - http://www.cabletv.com.hk/fatmother/images/118_1.jpg


何家私房菜 (何太) | 18/02/06, 23:40 PM | 何太好介紹 | (4756 Reads)

不得不介紹比大家, 因為實在太好味! 可惜唔係我整, 係海港城 city-super 既麵包店買架! 大家一定要一試哦!

 


何家私房菜 (何太) | 17/02/06, 16:11 PM | 生活點滴 | (1410 Reads)
前日, 我發燒, 發冷又頭痛
睇左醫生後好左好多, 以為一定好返啦
點之個肚突然間脹起哂, 好似有左BB咁
當個肚越變得脹 BOK BOK時, 我既呼吸就變得辛苦
而且個肚仔仲抽下抽下咁痛
我真係忍唔住啦 - 沉晚去左急症室
照過 XRAY後, 醫生話有可能係消化不良或感冒菌入腸
希望快D好返啦!  我而家咩MOOD都無哂啦!
我由15號至今日, 日日都要見下醫生先安樂咁!

唔通今年真係犯太歲?


何家私房菜 (何太) | 14/02/06, 17:49 PM | 多款菜色 | (6975 Reads)

今日係情人節, 已為 人妻既我都要慶祝一番先得!  以下係我地今晚 "Table for Two" 既 food menu, 好多野食呀!  何生: 2份禮物我都好鐘意呀! 你實在太知我心意啦!

 

 (閱讀全文)

何家私房菜 (何太) | 13/02/06, 21:43 PM | 多款菜色 | (2526 Reads)

今日病左啦! 個頭痛得好厲害呀! 真想叫救命! 係咁差既狀態下, 只可以整到e個炒麵! 不過e個炒麵係我既最愛之一, 皆因我媽咪成日炒比我食架!  並唔係"貓麵"!

 (閱讀全文)

何家私房菜 (何太) | 12/02/06, 22:18 PM | 結婚紀念 | (2510 Reads)

今日係我同何生既14週月紀念又係元宵佳節, 一如以往, 我地又去慶祝一番! 今日我地去左油麻地太平館食晚飯, yummy!!!  d 食物賣相一流呀, 大家一齊睇下!

何生, 嫁比你真幸福!!!

 (閱讀全文)

何家私房菜 (何太) | 09/02/06, 08:40 AM | 生活點滴 | (1159 Reads)

失敗, 真失敗!

話說何生部 ps2 遊戲機已壞左好耐, 見佢好想玩又無時間攞去整, 兼且成日都試下自己既"幸運指數" - 試下部機玩唔玩到, 真係覺得既殘忍又好笑!

所以早2日, 由何生既friend "囂張" 帶路下, 我靜悄悄咁攞左部ps2出去整, 不過要隔日先可以攞返, 更好彩既係何生當日竟然無嚐試攞部機出黎玩wor, 我已為佢實唔發覺 - 掂硬啦! 於是我 lunch既時候早走1個鐘去拎部機, 然後係屋企放回原位啦!

到左夜晚, 我叫佢攞部機出黎試下, 我話如果壞就快d攞去整! 點之奇蹟真係出現係佢眼前, 部機玩到wor! 佢眼都突埋之後問左我1句 : "點解我唔見左隻遊戲碟既"

敗北既地方係我唔記得入返隻遊戲碟入去呀!  終於比佢揭破左啦! 

另外, 要特別鳴謝幫兇之一既"囂張"!


何家私房菜 (何太) | 06/02/06, 22:52 PM | 蛋糕甜品 | (9703 Reads)

今日無無聊聊, 整左d牛油 mini cake, 唔知點解覺得好有聖誕feel !  我細個成日都好恨買呢類 mini cake 食架! 一啖一個, 正呀!



何家私房菜 (何太) | 04/02/06, 23:45 PM | 生活點滴 | (1680 Reads)

今日同何生一家人去左大尾篤燒野食! 奶奶就負責醃製食物, 當然水準一流啦! 而我最愛既除左何生外, 當然就係雞翼啦!


何家私房菜 (何太) | 02/02/06, 22:49 PM | 多款菜色 | (2320 Reads)

今日終於開爐啦! 近幾日真係食到頭昏腦脹, 所有本來打算今晚食清d, 點知街市咩都無開!  hei, 唯有煎牛扒啦!

祝大家新既一年, 身體健康! 心想事成!